Tirana premtuese për turizmin/ Ja çfarë shkruan gazeta spanjolle

Tirana premtuese për turizmin/ Ja çfarë shkruan gazeta spanjolle

Tirana premtuese për turizmin/ Ja çfarë shkruan gazeta spanjolle

Një tjetër media e njohur ndërkombëtare i bën jehonë transformimit që ka pësuar Tirana në vitet e fundit. Pas ikonave të medias botërore,edhe gazeta e djathtë spanjolle “ABC” i ka kushtuar një artikull të veçantë Tiranës. Ajo thekson mundësitë që ofron kryeqyteti shqiptar për të bërë turizëm.

Në artikull theksohet ndryshimi infrastrukturor që ka pësuar Tirana dhe sidomos investimet që nxisin një qytet të qëndrueshëm, duke shtuar hapësirat publike, e në mënyrë të veçantë politikat mjedisore, të cilat kanë rritur ndjeshëm numrin e turistëve që e vizitojnë atë.

Artikulli i plotë për Tiranën në gazetën spanjolle

Shqipëria nis rrugëtimin premtues drejt turizmit

Në vitin 1992, Shqipëria doli nga regjimi komunist që e drejtoi vendin për 46 vjet. Në atë kohë, Tirana, kryeqyteti i vendit kishte 250.000 banorë. Ndërkohë që karakterizohej nga një ekonomi tejet e prapambetur, krahasuar me vendet e tjera europiane. Provë për këtë ishte fakti se numëroheshin vetëm 17 makina në të gjithë kryeqytetin. Përveç kësaj, sa i përket turizmit, nuk ishte një vend që tërhiqte të huajt.

Sot, situata ka ndryshuar. Popullsia e Tiranës, tashmë thuajse arrin shifrën një milion. Ndërkohë që numri i të huajve që mbërrijnë në vend rritet përafërsisht me 12% që nga 2013, sipas të dhënave të qeverisë së “vendit të shqiponjave”. Bashkia e Tiranës, e cila drejtohet nga Erion Veliaj, ka investuar shumë në fushën e turizmit. Kjo me qëllim që këto shifra të mund të rriten më tej. Tirana synon të ofrojë turizmin tregtar,. Si dhe atë të spektakleve dhe që lidhet kryesisht me aspektet mjedisore.

Për këtë të fundit, qeverisja vendore ka vënë në funksionim Planin e Përgjithshëm TR030 Ky plan synon të përftojë më shumë hapësira publike, që Tirana të jetë një ndër qytetet më të qëndrueshme. Nisur nga ky fakt, ka reduktuar ndotjen me 15% në një vit. Dhe po ashtu synon të ndërtojë një Pyll Orbital, i cili do të rrethojë tërësisht qytetin.

Si është shprehur Veliaj gjatë një vizite në Spanjë

“Nëse një qytet funksionon për fëmijët, do të funksionojë po ashtu edhe për të tjerët”, u shpreh Veliaj së fundmi, gjatë një vizite në Spanjë. Kështu, përgjatë vitit të parë të mandatit të tij u liruan 40.000 metra katrorë hapësirë publike. Gjithashtu, ai ka rivitalizuar Sheshin “Skënderbej” (heroi kombëtar i vendit), duke e shndërruar në një nga zonat këmbësore më të mëdha të Europës Lindore.

Këtij projekti i bashkohet transfomimi i Pazarit të Ri, një zonë tregtare ku ushtrojnë aktivitetin e tyre rreth 308 biznese. Plani synon që kjo zonë t’u ngjasojë modeleve të qendrave të tjera tregtare të vendeve më moderne të Europës. Përveç kësaj, projekte të tjera transfomuese që pasojnë janë ato në Bulevardin e Ri, Teatri Kombëtar dhe Parku Olimpik, projekte të cilat do t’i japin Tiranës një infrastrukturë moderne dhe do të plotësojnë rrugëtimin e ringjalljes së turizmit shqiptar

RECOMMENDED FOR YOU

Loading...

Tags: , , ,

COMMENTS